Фестивал нуди богату и разноврсни програм, са циљем не само да промовише џез музику, већ и да обогати културну сцену главног града, потстицајући јавност да се врати културним догађајима као незаменљивим делом урбаног живљења.
Сите настани во рамки на фестивалот се отворени и бесплатни за посетителите, а симболичниот „билет“ претставува донација со која се поддржува реализацијата на програмата. Овој пристап ја нагласува инклузивноста и заедничката одговорност за развој на квалитетна културна сцена во Скопје.
Фестивалот ќе понуди седум дена исполнети со џез концерти, изложби, работилници и креативни перформанси:
- Понеделник, 19 мај: Почеток со трибината „Џез: звук, слика, збор“ на Владимир Мартиновски, отворање на изложбата „Jazz“ (графика, масло, скулптура од Диме Темков и Лучка Кошчак, ритмични илустрации на Михаил Парушев) и вечерен концерт на Zulu 3.4.
- Вторник, 20 мај: „Џез вињети“ со Александар Прокопиев и настап на Swing 42.
- Среда, 21 мај: Приказ на џез анимации („За џезот со душа“, селектор Марија Савелева) и концерт на Хот Џез Оркестар.
- Четврток, 22 мај: „Азбука на скопскиот џез“ со Кирил Темков и вечерен џез сет со Игор Спироски и Шурбе.
- Петок, 23 мај: „Шпаклофонија“ - инструМентални експерименти со Владимир Лукаш, Виктор Танасковски и Тома Димовски, потоа концерт на Taxi Consilium.
- Сабота, 24 мај: Ликовна импровизација „Џез во боја“ со Доротеј Нешовски и настап на Odron Ritual Orchestra.
- Недела, 25 мај: Танцов мастер-клас „Дај од џезот“ со Билјана Грозданова, Венус, и завршен концерт на Звук Караџиќ.
Организатори на фестивалот се Андреј Јованчевски, Анастасија Овчаренко и Александар Сандревски. За визуелниот дизајн се погрижија Марија Савелева и Александар Савелев, а звучниот дизајн на фестивалското видео го потпишува Владимир Голоухов. Главен партнер е Ford Trucks, а меѓу пријателите на фестивалот се и Colenco, Ponir, Симпозион, MultiQi, Badel, Винарија Попов и V'K Craft Distillery.
Фестивалот БУКВАЛНО. ЏЕЗ. доаѓа во време кога културниот живот во Скопје се обновува и се бараат нови начини за зближување на уметноста и јавноста. Ваквите иницијативи се клучни за ширење на џез културата, за поттикнување на младите уметници и за враќање на граѓаните кон културните настани. Тие создаваат простор за креативна размена, инспирација и нови соработки, а истовремено го збогатуваат идентитетот на градот како современа европска метропола со жив културен пулс.
